Pas krimit të rëndë të ndodhur në Gjermani ku nëna shqiptare e 4 fëmijëve u vra nga ish-burri i saj, ka reaguar për herë të parë vëllai i viktimës.
Ngjarja e tmerrshme ndodhi të hënë në në Jägerëeg në Salzgitter Lebenstedt ku Emine Abazaj nënë e katër fëmijëve, u qëllua nga ish-partneri i saj. Vëllai i së ndjerës Blerim Abazaj ka folur për skemën dramatike të krimit.
Autori i ngjarjes së rëndë është shqiptari nga Kosova Anton B.
Bledi tregon momentet e tmerrit, kur ish-kunati erdhi rrufeshëm në oborrin e banesës dhe hapi zjarr me armë. Si fillim, Antoni, autori i krimit, teksa përleshej me ish-gruan dhe motrën e saj, plagosi në stomak këtë të fundit.
“Antoni erdhi këtu me një veturë ‘Golf’, madje as nuk frenoi para shtëpisë. Ai doli krejt papritur teksa makina ecte nëpër rrugë. Ai e kapi motrën, por ndërhyri nëna ime dhe ai e rrëzoi në tokë. Motra ime Arlinda u përpoq ta kapte atë bashkë me nënën time, por e qëlloi me armë në stomak”, tregon Blerimi.
Teksa rrëfen i shokuar ngjarjen, vëllai i viktimës tregon se: “Pastaj motra ime Emina ndërhyri dhe i tha: ‘Mjaft! Lëri ata!’ Pas kësaj erdhi një e shtënë tjetër me të cilën e goditi Eminën në kokë. Ajo vdiq menjëherë. Ai donte të na vriste të gjithë”, tregon vëllai i viktimës. Të pranishëm në skenën e llahtarshme ishin e katër fëmijët e çiftit, të cilët panë se si babai i tyre ekzekutoi me armë në kokë nënën.
Mediat gjermane raportojnë se ata kishin jetuar bashkë prej 7 vitesh dhe së fundmi kishin mosmarrëveshje. Megjithatë, çifti nuk ishte martuar sipas ligjeve gjermane. Sipas hetimeve paraprake, shkak i ngjarjes së rëndë mendohet të ketë qenë ndarja e tyre.
“Motra ime bëri gjithçka për fëmijët e saj. Anton nuk punonte. Emina madje ka bërë disa punë në mënyrë që ajo të mund të rrisë fëmijët e saj siç duhet “, tha Blerimi.
Por ish-burri i saj i ishte mosmirënjohës. Jo vetëm që Anton B. Ishte i dhunshëm dhe agresiv ndaj gruas së tij, ai shpesh i rrihte fëmijët e tij. “Fëmijët kanë frikë nga babai i tyre. Ata nuk duan të jenë më me të. Fëmijët tani qëndrojnë përkohësisht me xhaxhain e tyre. Unë do të bëj çdo gjë që fëmijët të jenë mirë”, tha Blerimi në një intervistë për “regionalHeute.de”.
