Komiteti i Rindërtimit ka zhvilluar paraditen e sotme një takim me Autoritetin e Mbikëqyrjes Financiare dhe drejtuesit e kompanive të sigurimit. Ku kanë diskutuar për rikuperimin e banesave që u dëmtuan nga tërmeti katastrofik i 26 nëntorit.
Drejtuesi Arben Ahmetaj ka kërkuar që kompanitë e sigurimit t’i vendosin në dispozicion listën me emrat e përfituesve. Ndërsa shtoi se dëmi mund të shkojë në mbi 25 milionë euro për banesat, por kjo nuk është një shifër përfundimtare.
“Kompanitë e sigurimit do të paguajnë 12 mln USD dhe plot 1943 ndërtesa të dëmtuara janë në proces trajtimi nga këto kompani”, tha Ahmetaj.
