Ish-ministri i Financave dhe Ekonomisë Arben Ahmetaj ka komentuar sot ndryshimet në qeveri por edhe raportin e Fondit Monetar Ndërkombëtar dhe gjendjen ekonomike.
I ftuar në rubrikën “Opinion” në News24, Ahmetaj tha se ndryshimet në qeveri ishin diskutuar me kryeministrin. Ai shprehu besim tek ekipi i ri, për të cilin tha se është një ekip i fortë me njerëzit e duhur.
“Si erdhën i patë. Nuk besoj se ishte e befasishme. Kryeministri kishte besuar në mënyrë kolegjiale në parim nevojën e ndryshimeve në kabinet. Kemi biseduar qoftë në bisedat në kabinet, qoftë në kryesi. Ajo që është e rëndësishme është se ekipi i ri është një ekip shumë i mirë në këndvështrimin tim personal me një bagazh eksperience të konsiderueshëm. Mendoj që ekipi i ri është i duhur, mund ta them pa frikë që është një ekip i fortë në gjithë sektorët kyçë. Në pak muaj do shohim një përshpejtim qoftë në anën sektoriale, qoftë në tërësi.
Për mua nuk është kusht të ishin të njohur në politikë. Në finale mendoj që është zgjedhje e maturuar. Janë personalitete në fushat e tyre profesionale. Kjo pjesa janë të njohur nga ana politike, s’ka rëndësi. Mendoj se është ekip i mirë. Brenda grupit ka një efekt pozitiv nga ndryshimet.
Kanë një eksperiencë të madhe në administrim. Së bashku mund të formatojnë reforma. Në aspektin e ndryshimeve, mënyra e duhur, koha e duhur, njerëzit e duhur. E padiskutueshme”, deklaroi Ahmetaj.
Pse rrogat rriten në letra, por varfëria rritet në realitet?
