Sot gjatë seancës plenare, ish-kryeministri Berisha debatoi ashpër edhe me ish-ministrin e Financave, Arben Ahmetaj. Ky i fundit kërkoi që të qëndrojnë larg fyerjeve, madje i ka shprehur “dashurinë” Berishës.
“Të largohemi nga fyerjet, sepse është turp për ne. Më ka trishtuar, por… Sali ti më do shumë mua, dhe unë të dua shumë ty. Sa herë që nevrikosesh me mua, ti më do. E kemi ndryshe këtë dashurinë ne. Është rasti për ta kthyer në normalitet këtë situatë. Është rasti të flasim se kush tenton të vijë në pushtet mbi hi”, deklaroi Ahmetaj.
