Në mediat britanike u publikuan me shpejtësi një video dhe foto të sulmuesit të Manchester Cityt, Sergio Aguero, ku ai ishte duke thithur nargjile nën shoqërinë e një modeleje 18-vjeçare.
LEXO EDHE:I shoqëruar me modele dhe duke thithur nargjile, Aguero tërbon Cityn
U fol se për këtë veprim drejtuesit e “qytetarëve” do të mërziteshin, pasi nuk tregon profesionalizëm dhe mund të merreshe një dënim në dëm të bomberit argjentinas. Madje mediat shkuan më larg duke shkruar se burime nga brenda klubit janë shprehur të pakënaqur me këtë veprim.
Nga klubi i Manchester Cityt duket se nuk ka pasur asnjë qëndrim zyrtar, por ata kanë publikuar një video në faqen e klubit në Facebook. Një video të një përballje me Newcastle ku Aguero shënon pesë gola. Duket se kjo është përgjigja më e qartë për të gjithë se ndaj sulmuesit nuk do të merret asnjë masë disiplinore dhe se ai është shumë i rëndësishëm për “cityzen”.
