Shqipëria do të përballet me Izraelin në ndeshjen e parë të Ligës së Kombeve. Por një përballje mes dy klubeve është e freskët për tifozët kuqezi, pasi na mposhtën 3-0 në shtëpi dhe më pas kuqezinjtë fitojnë me të njëjtin rezultat në Izrael. Eran Zahavi, është një emër që do të mbahet mend gjatë në memorien e tifozëve, pasi ngatërroi mbrojtësit tanë dhe bëri të mundur ndëshkimin me karton të kuqe të portierit Etrit Berisha.
Trajneri asokohe ishte Giani De Biasi, që e quajti Zahavin “bir k…”, pasi ajo humbje erdhi për shkak të tij, që provokoi portierin Berisha. Por gjërat për Zahavin nuk shkuan mirë më pas me skuadrën e Izraelit pasi ai u përjashtua nga kombëtarja. Kjo pasi në një ndeshje ai hodhi shiritin e kapiteni në fushë dhe akuzoi se në kombëtare nuk luhet me zemër.
Por duket se në prag të ndeshjeve të para të Ligës së Kombeve ai është rikthyer në kombëtare dhe ndeshja e parë pas rikthimit do të luhet pikërisht përballë Shqipërisë. Ka qenë Federata e Futbollit Izraelit ajo që ka konfirmuar se lojtari do të jetë pjesë e skuadrës në Ligën e Kombeve. Tani nuk mbetet gjë tjetër veçse lojtarët tanë të qëndrojnë indiferent ndaj provokimeve të tij dhe të përgjigjen me lojë në fushë.