Agron Llakaj dhe Xhevahir Zeneli njihen tashmë për miqësinë e tyre shumë vjeçare. Por ndryshe nga çfarë shohim në skenë, edhe ata kanë mjaft huqe. Ishte Xhevahir Zeneli i cili nxorri mjaft të pathëna për kolegun, e një ndër miqtë e tij më të mirë, Agron Llakaj.
Të ftuar në emisionin “Vizioni i Pasdites” në Vizion Plus, ata kanë treguar më shumë rreth marrëdhënies së tyre jashtë kamerave.
Xhevahir Zeneli zbuloi se Agron Llakaj është shumë strikt me oraret, dhe asnjë nuk mund të futet në mbledhjen e “Al Pazar” me vonesë.
“Kur jemi në punë, është ora 10, unë shkoj në 10:01 minuta. I them mirëmëngjes dhe iki se jam i përzënë. Është e vërtetë për Zotin. I them bëje më mirë me mua dhe të mësojnë këta të rinjtë.
Se me mua edhe pajtohet, se ky brezi i ri do pak disiplinë. Se kur përzuri Xhevon, do thonë mendo ne të tjerët. Në orën 10:01 minutë vetëm karrigia e Gonit është bosh, por edhe unë jam munduar që mos ti lë shkas si miq, se po abuzova unë mendo të tjerët”, tha më tej ai.
