Kryetari i Partisë Agrare Ambientaliste, Agron Duka, nga Berati ka apeluar ndaj mbështetësve të partisë që drejton, si edhe opozitës që të përgatiten për zgjedhje të parakohshme.
Ai ka thënë se vetëm hallet e qytetarëve janë reale, e jo votimet. Në një takim të mbajtur me strukturat e Partisë Agrare Ambientaliste, Duka është shprehur se kanë një alternativë konkrete për problemet e qytetarëve.
Statusi
Në një shtet ku Parlamenti është i rremë, votimet janë të rreme, ekonomia është e rreme, vetëm hallet e qytetarëve janë reale. Nga Berati, me strukturat e Partisë Agrare Ambientaliste, po bëhemi gati për zgjedhjet e parakohshme, me një alternativë konkrete për problemet reale të qytetarëve, fermerëve, blegtorëve, agronomëve dhe veterinerëve të lënë në harresë.
