Disa qytetarë të gjendur në autostradën A14, 2 kilometra nga dalja e Cerignolas në Foggia, Itali, kanë përjetuar momente paniku.
Raportohet se në autostradën në fjalë, një grup personash të armatosur sulmoi një fugon të blinduar që përdoret për transportin e sendeve me vlerë.
Agresorët qëlluan me breshëri në drejtim të autoblindit dhe kishin vendosur zinxhirë me gozhdë në rrugë për të shpuar gomat e tij.
Autostrada gjithashtu ishte bllokuar me disa makina të cilave iu ishte vendosur zjarri.
Në sulm nuk mbeti asnjë person i lënduar.
Thuhet se grabitësit në pamundësi për të mos marrë dot asgjë, u larguan me shpejtësi duke kaluar trafikndarësin dhe humbur kështu gjurmët.
Në mjetin e blinduar po udhëtonin 3 roje.
Sipas policisë, në këtë sulm morën pjesë 8 persona që bllokuan trafikun duke iu vënë zjarrin 3 makinave. Mësohet se ata ishin të armatosur me automatikë kallashnikovë.
