Bashkimi Evropian dhe Shtetet e Bashkuara kanë biseduar për një “paketë të fuqishme sanksionesh”, që do të vendosen në “rastin e agresionit të mëtejshëm ushtarak të Rusisë në Ukrainë”, sipas një dokumenti të BE-së të publikuar të shtunën. Sipas dokumentit, Björn Seibert, kreu i kabinetit të Presidentes së Komisionit Evropian, Ursula von der Leyen, diskutoi sanksionet gjatë bisedës së tij të premten mbrëma me këshilltarin amerikan për sigurinë kombëtare, Jake Sullivan “mbi evolucionin e situatës në Ukrainë”.
Zyrtarët diskutuan gjithashtu “hapat shtesë që do të ndërmerren për t’u përgatitur për çdo ndërprerje të ardhshme të furnizimit me energji në Evropë”, tha ai, duke ndarë mendimet e tyre mbi partneritetin strategjik BE-SHBA për sigurinë e energjisë.
Analistët kanë paralajmëruar se një konflikt në Ukrainë, mund të kërcënojë furnizimet me energji, duke përfshirë edhe sanksionet e mundshme, pasi Rusia është prodhuesi numër dy në botë i naftës dhe gazit natyror.
Zyrtarë të lartë amerikanë i thanë CNN muajin e kaluar se administrata Biden po bënte plane emergjente për të mbështetur furnizimet me energji të Evropës, nëse një pushtim rus i Ukrainës krijonte mungesa gazi.
Burimi i lajmit: CNN. Pershtatur nga Tirana Today
