Agjencia Europiane e Barnave,(EMA) ka miratuar për përdorim vaksinën kundër koronavirusit të prodhuar nga kompania Astrazeneca.
“Rezultatet e kombinuara nga katër prova klinike në Britaninë e Madhe, Brazil dhe Afrikën e Jugut treguan se COVID-19 Vaksina AstraZeneca ishte e sigurt dhe efektive në parandalimin e COVID-19 tek njerëzit nga 18 vjeç”, tha Emer Cooke, drejtori ekzekutiv i EMA, në një deklaratë.
Pas Pfizer dhe Moderna-s, Astrazeneca është kompania e tretë së cilës, EMA ka miratuar për përdorim.
Ndërkohë, ditën e djeshme autoritetet gjermane kanë vendosur që vaksina anti-covid e prodhuar nga kompania Astrazeneca, të përdoret vetëm te personat nën 65 vjeç.
Sipas tyre, nuk ka të dhëna të mjaftueshme për të rekomanduar përdorimin në grupmoshat më të vjetra.
