Afrim Qëndro dhe 11 punonjës të tjerë të Autoritetit Rrugor Shqiptar (ARRSH) janë shkarkuar nga detyra. Pjesë e listës së shkarkimeve ishte dhe ish-drejtori i këtij institucioni, Afrim Qëndro, i cili mbante aktualisht postin e drejtorit të Planifikimit Strategjik dhe Operacioneve.
Këto largime nuk janë pritur dhe aq mirë, ndërsa në këtë video tregohet dhe përplasja që Qëndro dhe të larguarit e tjerë kanë pasur me punonjësit e sigurisë të institucionit, që fillimisht nuk i lejuan të futeshin brenda.
Shkarkimi i Afrim Qëndros dhe punonjësve të tjerë është bërë me motivacionin e mungesës së besimit, dhe të moszbatimit të rregulloreve.
Ata kanë shkuar në punë si zakonisht, por janë ndeshur me një situatë aspak të zakontë, pasi nuk janë lejuar të futen brenda.
Kjo është shoqëruar me përplasje në derën e institucionit, ku dy persona rrinin me listë në dorë, dhe nuk lejonin të futeshin brenda zyrtarët të cilët ishin shkarkuar. Edhe zv.drejtori i ARRSH Ergys Verdho është penguar të hyjë në ambientet e ARRSH.
