Të paktën pesë persona kanë humbur jetën në Kabul të Afganistanit pas një sulmi kamikaz në akademinë ushtarake të vendit.
Sipas raportimeve, një person i veshur me jelek shpërthyes ka hedhur veten në erë duke vrarë të paktën 5 persona dhe duke plagosur të paktën 12 të tjerë, shkruan CNN. Lajmi është konfirmuar edhe nga autoritetet vendase.
“Rreth orës 7 të mëngjesit të sotëm, një sulmues vetëvrasës aktivizoi mjetet shpërthyese, duke lënë të vrarë pesë persona, përfshirë dy civilë dhe tre pjesëtarë të personelit ushtarak. Dymbëdhjetë u plagosën, përfshirë pesë civilë”, tha zëdhënësi i Ministrisë së Brendshme, Nasrat Rahimi.
Sipas njërit prej dëshmitarëve, shpërthimi ka ndodhur në brendësi të akademisë ushtarake “Marshal Fahim”.
“Ishte një shpërthim i madh që tronditi tonë. Ne gjithashtu dëgjuam të shtëna armësh më pas. Autoambulancat shkuan shpejt në vendin e ngjarjes”, tha ai për mediat.
Deri tani asnjë prej grupeve ekstremiste në vend nuk ka marrë autorësisë e sulmit.
