Prokuroria e Krimeve të Rënda ka kërkuar informacion nga autoritetet kosovare, në lidhje me familjen e Admir Murataj. Lidhur me këtë kërkesë, ngrihen dyshime të forta se Admir Murataj i vrarë më 9 prill ka jetuar në Kosovë, gjatë kohës që ka qenë në arrati, ndërsa u mor në pyetje bashkëshortja e të ndjerit Albana Alidhima.
Ajo mohoi të ketë dijeni për grabitjen e Rinasit, si edhe për personat që shoqërohej në arrati viktima. Po kështu ka deklaruar se kishte së paku 3 vite pa e takuar bashkëshortin, dhe se nuk kishte asnjë dijeni se me kë shoqërohej ai.
Krahas përpjekjeve për të zbuluar gjurmë të shokëve të Admir Muratajt, që përpara se të vritej ishte gjithashtu një i shumëkërkuar prej drejtësisë, prokurorët po rishikojnë një varg ngjarjesh të dhunshme të viteve të fundit në fushën e grabitjeve.
5 persona në kërkim për grabitjen në Rinas, ja çfarë kanë gjetur hetuesit
Dyshimi kryesor i prokurorëve bën fjalë për përfshirjen në grupin e grabitjes së Rinasit të disa personave që më herët gjithashtu janë lakuar për sulme të bankave dhe jo vetëm.
Hetuesit nxjerrin të dhënat sekrete/ Një ish-komando në grabitjen e Rinasit?
