Gazeta italiane “Gazzetta dello Sport”, ka shkruar se Hakimi tashmë ka arritur marrëveshje me Paris Sanit-Germainin dhe po pret që ekipi francez ta bindë Interin për ‘lirimin’ e tij.
Mësohet se Hakimi është pajtuar me termat e një kontrate 5-vjeçare dhe pagë vjetore mbi 4milionë euro, që i ka ofruar Parisi. Te Interi po kërkojnë të paktën 80 milionë euro për kartonin e Hakimit, i cili edicionin e fundit pati paraqitje fantastike.
Në 45 paraqitje në të gjitha garat, Hakimi regjistroi 7gola e 11 asistime dhe me Interin ka kontratë deri në vitin 2025. Marokeni 22-vjeçar iu bashkua Interit vitin e shkuar nga Real Madridi për 54 milionë euro.
