Një shtetas i shpallur në kërkim pasi akuzohet se ka përdhunuar nipin e tij 8-vjeçar, bëhet me dije se është vënë në pranga. Bëhet fjalë për një shtetas kosovar i cili është kapur në pikën kufitare të Morinës, pasi ishte shpallur në kërkim nga policia e Beratit prej rreth dy javësh për “marrëdhënie seksuale me të mitur”.
Shtetasi me inicialet B.K, 45-vjeç, nga Prizreni akuzohet nga nipi i tij 8-vjeç se e ka përdhunuar. Ka qënë vetë fëmija, që e ka denoncuar në polici dhe raporti i mjekësisë ligjore e ka konfirmuar.
Abuzimi ka ndodhur rreth një muaj më parë në shtëpinë e dajës në Prizren, ku nipi 8-vjeç kishte shkuar disa ditë me nënën për pushime. Pas arrestimit, ai është dërguar në burgun e Beratit, pasi Gjykata e Beratit kishte caktuar për të në mungesë masën e sigurisë “arrest me burg”. Fëmija 8-vjeç jeton në Berat me babanë dhe nënën, që është martuar prej 10-vjetësh në Berat.
