Lidhur me abuzimin seksual me një të mitur në Babrru, për herë të parë ka folur djali i 65 vjeçarit. Ngacmimet dhe përndjekjet e rojes së shkollës, Abaz Doku ndaj vajzës kanë nisur 1 vit më parë, kur ajo ishte në klasën e 8-të.
I biri i rojës së shkollës në Babrru, Abaz Doku që abuzoi seksualisht me një 15-vjeçare, nxënëse në shkollën ku ai kishte qënë roje, flet për ngjarjen. Teksa dënon aktin e rëndë kryer nga i ati, ai tregon dhe se çfarë i ka rrëfyer abuzuesi. Ai shprehet më tej se i ati i ka thënë se nuk ka kryer marrëdhënie me dhunë, por për të është gjithsesi fajtor. Madje ai shkon më tej duke vënë në dukje se për sjelljet e tij të pahijshme, e ka denocuar më herët të atin.
“E dënoj veprimin e babait. Na ka thënë se nuk ka kryer marrëdhënie me dhunë, por gjithsesi ai është fajtor se ajo ishte e mitur. Unë e kam denoncuar dhe më herët tim atë për sjelljet e tij të pahijshme. Bashkë jemi konfrontuar edhe fizikisht për këtë cështje, dhe unë kam kërkuar nga drejtori i shkollës që ta heqë nga puna para një viti. Kërkoj nga drejtësia që ta dënojë tim atë”, thotë ai.
Më pas roja është hequr nga puna dhe përndjekjen e vajzës e ka bërë në lagje. Ai e shantazhonte vajzën duke i thënë se ia dinte historitë intime që ajo ka pasur në shkollë, dhe në një rast ka shkruar pranë banesës së saj në mur “S….. kur*a”.
Pas këtij episodi, vajza është dorëzuar dhe ka kryer marrëdhënie seksuale me 65-vjeçarin në një banesë që ai kishte nën kujdes.
Akti është filmuar në celularin e tij dhe më vonë ai ia ka çuar nëpërmjet një rrjeti social këtë video fqinjit të tij 20 vjeç. Aparatet celulare të 65 vjeçarit dhe 20 vjeçarit janë sekuestruar nga policia, në cilësine e provës materiale.
