Larja e duarve në mënyrë të shpeshtë, e po kështu përdorimi i disifektantëve, janë mënyra më e mirë për të mos rënë në kontakt me virusin vdekjeprurës. Shumë pyetje janë parashtruar gjatë ditëve të fundit nga qytetarët, nëse virusi transmetohet nëpërmjet objekteve.
Kreu i Institutit të Shëndetit Publik në Itali, Silvio Brusaferro, në konferencën e shtypit të Mbrotjes Civile tha se nuk përjashtohet plotësisht fakti që koronavirusi të transmetohet përmes objekteve.
Përdorimi i dezinfektantëve të thjeshtë, janë në gjendje që të vrasë virusin, duke anuluar aftësinë e tij për të infektuar personat.
“Mundësia që koronavirusi të transmetohet përmes objekteve, përfshirë ushqimet e paketuara, nuk përjashtohet plotësisht, edhe pse mund të thuhet se është shumë e pamundur”.
Sipas tij, qytetarët duhet që ti kushtojnë rëndësi higjienës personale, pasi nga këtu nis marrja e infeksionit.
Për sa kohë mund të mbijetojë virusi?
Silvio Brusaferro ka thënë se virusi mund të mbijetojë nga disa orë deri në disa ditë, aty ku sipërfaqet nuk pastrohen përmes dezinfektimit.
Të dhënat, ka shpjeguar ai, “tregojnë se si virusi mund të mbijetojë nga disa orë deri në disa ditë aty ku sipërfaqet mbeten plotësisht të mbrojtura ose nuk pastrohen përmes dezinfektimit, ose ndaj fenomeneve natyrore si shiu apo dielli.
Por dimë edhe se është shumë i ndjeshëm ndaj dezinfektantëve me bazë klori dhe alkooli dhe që transmetohet përmes stërklave ose përmes kontaktit me dorë”.
Domethënë, ka përmbyllur ai, “mënyra më e mirë është që të lahen duart në mënyrë të vazhdueshme dhe korrekte.
Përkrah higjienës personale është e rëndësishme edhe higjiena e ambientit: në disa vende private mund të bëjmë në mënyrë sistematike e në disa vende të tjera publike diçka më pak, dhe atëhere mënyra më e mirë e parandalimit është larja e duarve në mënyrë korrekte”.
