Ministri Ditmir Bushati siguroi sot përmes një konference për shtyp të mbajtur me homologun e tij turk, se negociatat me Greqinë vijojnë. Ai ka konfirmuar se mbeten të hapur për tryezën e bisedimeve, për të mbyllur të gjitha problematikat.
“Jemi në tryezën e bisedimeve me Greqinë, për të mbyllur çështjen e hapur…”, tha Bushati. Sipas tij, qeveritë apo ministrat ikin e vijnë, por e rëndësishme është zgjidhja.
Nikos Kotzias që ka luajtur një rol kyç në negociatat me Shqipërinë për marrëveshjen e Detit, dha dorëheqjen dy ditë më parë.
Ishte kryeministri grek Alexis Tsipras ai që mori detyrën e Kotziasit. Mediat greke hamendësuan ditët e fundit se edhe marrëveshja e detit me Shqipërinë ishte e ngrirë.
