Njerëzit mund të infektohen edhe përmes ajrit. Këtë e konfirmoi Organizata Botërore e Shëndetit në fillim të këtij muaji. Një nga mënyrat që piklat mund të hyjnë në trupin tuaj është përmes syve.
Por gjithashtu ekziston mundësia që të infektoheni duke prekur një sipërfaqe të kontaminuar, dhe më pas të prekni syrin. Këtë tezë e mbështet Qendra për Kontrollin dhe Parandalimin e Sëmundjeve.
Pas disa muajve që po jetojmë me pandeminë, në dritë kanë dalë “dëshmi të reja”. Më herët është konfirmuar se COVID-19 mund të hyjë në trupin tonë përmes hundës dhe gojës. Frika tjetër që na shtohet, lidhet me faktin se koronavirusin mund ta marrim edhe nëpërmjet syve.
“Ekziston mundësia që një person mund të infektohet me COVID-19 nga sytë”, tha Dr. Thomas Steinemann, zëdhënës klinik i Akademisë Amerikane të Ophthalmology.
“Po, virusi qëndron në ajër”, tha Steinemann për CNN dhe shtoi se “A mund të infektohemi përmes syve? Sigurisht”.
“Megjithatë, kontraktimi i virusit përmes syve tuaj është më pak i mundur sesa përmes hundës ose gojës”, u shpreh Steinemann.
