Juristja Rudina Jasini u shpreh mbrëmjen e sotme në emisionin “Opinion” se Ramush Haradinaj dhe Fatmir Limaj nuk mund të gjykohen sërish nga Gjykata Speciale e Kosovës lidhur me akuzat për të cilat janë gjykuar më herët nga Tribunali i Hagës.
Me një përvojë të paktën 6-vjeçare në çështjet e lidhura me gjykatën e Hagës, Jasini ka qenë gjithashtu pjesë e grupit të mbrojtjes në rastin e ish-kryeministrit Haradinaj.
Jasini theksoi se aktakuza për krime kundër njerëzimit nuk është një dukuri e re, pasi e tillë ka qenë edhe në çështjen Haradinaj, edhe në çështjen Limaj dhe pothuaj në të gjitha çështjet që janë ngritur në tribunalin e Hagës.
