Ekzistenca apo jo e UFO-ve, mbetet ende objekt i një debati të madh sot në botë. Objekte të paidentifikuara, janë vërejtur në shumë raste edhe në Shqipëri.
Dëshmia e parë vjen më 1907 nga veprimtari i lëvizjes kombëtare, Mihal Grameno, që shkruan në ditarin e tij: “Një natë teksa luftëtarët e Çerçizit kishin ngritur një limer majë një bjeshke të lartë, na fluturoi përpara një objekt shkëlqyes, që qëndroi disa minuta pezull në ajër dhe pastaj u zhduk” – shkruan Grameno.
Ndërkohë FBI-ja amerikane në raportin e datës 18 Korrik 1947 pohon:“Disqe misterioze fluturuese janë vërejtur në Meksiko Siti, Nju Orlins, Halifaks, Njufaunlend, Paris, Milano, Bolonjë, Jugosllavi dhe gjithashtu edhe në Shqipëri”. Dokumentet e ish-Sigurimit të Shtetit, kanë regjistruar ngjarjen e janarit 1963, kur banorët e fshatit Kallamishtëz në Tepelenë, dëshmuan se kishin një objekt të shndritshëm në qiell.
Autoritetet qetësuan popullsinë duke iu thënë se ajo që kishin parë ishte një model i ri avioni reaktiv në përdorim nga Forcat Ajrore Shqiptare. Nga atëherë janë me dhjetëra dëshmi të tjera të njerëzve që pretendojnë se kanë parë të fluturojnë në qiell objekte të dyshimta.
Sipas uebit ‘ufo-hunters.com’, sinjalizimi më i fundit nga Shqipëria daton më 20 nëntor 2016 në Shkodër.
Përgatiti Tirana Today
