Ish kryeprokurori Adriatik Llalla, është shprehur se ka materiale të bollshme, që mund të kompromentojë politikanët në vend. Deklarata e Llallës u bë mbrmjen e sotme në emisionin “Çim Peka live” në Syri TV.
Llalla deklaroi, se në kohën kur drejtonte organin e akuzës, informacionet vinin nga drejtime dhe burime të ndryshme që kishin dhe detyrën të raportonin.
Sipas Llallës, është e natyrshme që ai të ketë informacione të ndryshme, për shkak të postit që ka mbajtur.
Adriatik Llalla: ”Nuk dua të bëj një krahasim me rastin e deputetëve ish-sigurimsa të shtetit që mbanin çanta dhe kërcënonin zyrtarë të shtetin. Natyrisht që gjatë kohës që drejtoja organin e akuzës ashtu dhe më para ligji i jepte kompetenca me shumë kryeprokurorit se sa ka sot, me ligjin aktual. Pra duhet të funksiononte si institucion i centralizuar. Informacionet në atë kohë vinin nga drejtime dhe burime të ndryshme që kishin dhe detyrën të raportonin duke përfshirë veprat që nga siguria kombëtare që përfshin korrupsion, vrasje, trafikime etj.
Po e nisim nga siguria kombëtare dhe kur vinin informacione të tilla kryeprokurori i Përgjithshëm është i detyruar të informoj dhe komunikoj me drejtorin e Shërbimit Informativ të Shtetit, drejtuesit të policisë për të rakorduar punë dhe institucionet e tjera ligjzbatuese. Dhe është normale që në zyrën e kryeprokurorit të mbledh shumë informacion që krahas formalisht ka edhe materialisht dhe sigurisht skaliten edhe në mendjen. Ka materiale të bollshme.”
