Ndërsa Presidenti i Ukrainës, Volodymyr Zelensky, i drejtohet edhe një herë homologut të tij rus Vladimir Putin, duke thënë se nevojiten bisedime të drejtpërdrejta për t’i dhënë fund kësaj lufte, është e vështirë të dihet se ku mund të çojë kjo. Zelensky thotë se është i gatshëm të diskutojë me liderin rus integritetin territorial të vendit të tij – duke përfshirë pavarësinë e dy rajoneve separatiste në Ukrainën lindore – një nga zyrtarët e tij po thotë se këto çështje nuk do të komprometohen.
Veç kësaj, Zelensky ka thënë se do të dëshironte që çdo kompromis – mbi sovranitetin dhe sigurinë, siç janë aleancat e mundshme me kombet e tjera – të viheshin në një referendum, duke i lejuar popullit ukrainas të zgjedhë.
Me kalimin e viteve dhe gjatë dekadave, sa më agresive është bërë Rusia ndaj Ukrainës, aq më shumë duket se ka forcuar politikisht ndjenjën e identitetit kombëtar të ukrainasve – dhe aq më shumë ata janë anuar drejt Perëndimit.
A do ta ndryshojë opinionin publik brutaliteti i kësaj lufte, uria për paqe?
Në mënyrë që të ketë një lloj rezultati diplomatik, Zelensky, besoj, mund të jetë duke u mbështetur tek Putini që të përpiqet të minimizojë humbjet e mëtejshme në pushtimin e tij, veçanërisht nëse ai e gjen veten në pozicionin e sjelljes së përforcimeve të ushtarëve më pak të trajnuar.
Burimi i lajmit: BBC. Përshtatur nga Tirana Today
