Mjeka pediatre, Gjeorgjina Kuli deklaroi se ende nuk ka ardhur koha që adoleshentët të vaksinohen kundër koronavirusit,, pasi sipas sap, nuk paraqesin rrezik në shpërndarjen e virusit.
Në një intervistë për ”ABC News”, Kuli u shpreh se në përgjithësi, adoleshentët janë infektuar në vatra familjare.
”Nuk janë aq të rëndësishëm për të shpërndarë infeksionin. Mendoj që akoma nuk ka ardhur koha. Në përgjithësi dhe kur kanë qenë të infektuar kanë qenë në infeksione të vatrave familjare.”, u shpreh mjekja.
Prej disa javësh, situata epidemiologjike e Covid-19 paraqitet e qëndrushme, por mjekja thotë se sfida mbetet virozat e stinës.
”Numri i rasteve pozitive ka që ditë që është zero. Kjo kombinon me rënien e përgjithshme të incidencës dhe nga ana tjetër kemi parë një shtim të virozave të tjera respiratore. Duke një konkurrencë mes koronavirusit dhe infeksioneve të tjera.”, tha ajo.
Ndër të tjera, shefja e shërbimit infektiv për fëmijë, tha se tamponët për Covid 19 përgjithësisht po rezultojnë negativë ndërsa virozat nuk po shoqërohen me komplikacione.
”Kalojnë pa impakt në hospitalizimin e fëmijës. Për rastet që hospitalizohen e kemi si praktikë që vazhdojnë të testohen. Të gjitha tamponet e marra tek ne në këto raste kanë rezultuar negativë.”, deklaroi Kuli.
