Ish-deputeti i Partisë Demokratike, Enkelejd Alibeaj ka deklaruar kryebashkiakët e bashkive të djathta nuk do të lirohen nga detyra.
Sipas tij, nëse nuk do të vijë njeri i zgjedhur në mënyrë të ligjshme dhe kushtetuese, ata do të vazhdojnë detyrën.
“Ligji ju thotë që do duhet të rrinë në detyrë për ti shërbyer qytetarëve deri sa të vijë një tjetër i zgjedhur në mënyrë të ligjshme dhe kushtetuese. Ata do detyrohen ta presin. Nëse nuk do të vijë njeri i zgjedhur në mënyrë të ligjshme dhe kushtetuese, ata do të vazhdojnë detyrën”, tha Alibeaj mbrëmjen e djeshme, teksa ishte i ftuar në “Rtv Ora”.
Sa i përket rolit të medias, ish-deputeti demokrat u shpreh: “E vetmja gjë është media, ajo që nuk është blerë dhe nuk i është shitur qeverisë siç e tha OSBE, dhe ju keni të gjithë meritën, falënderimin tonë. E kemi thënë shumë kohë më parë, asnjë nga përfaqësuesit tanë në bashki, atje ku janë apo edhe në këshill nuk do të bëjnë përtej tejkalimit të ligjit.”
Po paralajmëroni që nuk do ti lironi zyrat?
Enkelejd Alibeaj: Unë flas shqip, qartë dhe kuptueshëm. Ligji ka qenë busulla e orientimit.
