“A do të japë dorëheqjen Lulzim Basha, në rast se humb në zgjedhjet lokale që pritet që të mbahen vitin e ardhshëm?”. Kjo ka qënë pyetja drejtuar deputetit demokrat Enkelejd Alibeaj, teksa ishte i ftuar në emisionin e gazetarit Roland Qafoku.
Ai ka ripërsëritur kërkesat e vazhdueshme të opozitës, duke nënvizuar edhe një herë tjetër se nuk do të pranohet kurrsesi aleancë me krimin. Po kështu, Alibeaj deklaroi se zgjedhje me këtë pushtet nuk mund të ketë.
Pjesë nga debati:
– Nëse PD humbet zgjedhjet lokale, a duhet të largohet z. Basha si kryetar i kësaj partie?
– Nëse ka zgjedhje…
-Si nëse ka zgjedhje? Nuk do merrni pjesë në zgjedhje?
-Nëse ka proces zgjedhor. Ne këtë jemi duke kërkuar … E para, të ketë zgjedhje. Zgjedhje me Edi Ramën në aleancë me krimin, zero! Ne po bëjmë aksionin tonë opozitar, për të shkëputur pushtetin nga krimi. Zgjedhje me këtë lloj pushteti, me këtë lloj sistemi, me këtë lloj krimi nuk ka!
Në një anë ke një grup seksioni të armatosur, nga ana tjetër ke kandidatin e PD. Këto janë zgjedhje?? Sa kohë të kesh një situatë të tillë, nuk ka sens pyetja. Ajo që kërkojmë ne është minimalisht të vendosim kushte të barabarta, që të ketë formacione politike, dhe jo krahë të armatosur.
