Sekretari amerikan i Shtetit, Antony Blinken dhe ministri i Jashtëm rus Sergei Lavrov, do të zhvillojnë bisedime më vonë në Gjenevë, mes frikës në rritje se Rusia mund të pushtojë Ukrainën. Të enjten z. Blinken paralajmëroi Moskën për pasoja të rënda, nëse ndonjë nga forcat e saj kalon kufirin.
Rusia ka 100.000 trupa në kufi, por mohon planifikimin për të pushtuar. Presidenti Vladimir Putin i ka bërë kërkesa Perëndimit, duke përfshirë ndalimin e anëtarësimit të Ukrainës në NATO.
Ai gjithashtu dëshiron që aleanca mbrojtëse perëndimore, të braktisë aktivitetin ushtarak në Evropën Lindore, por nuk ka marrë asnjë garanci.
A po përgatitet Rusia të pushtojë Ukrainën?
Samiti mes diplomatëve të lartë amerikanë dhe rusë, pason lëvizjet e Blinken për mbështetjen mes aleatëve të SHBA-së, për sanksionet kundër regjimit të Putinit.
Zyrtarët e Departamentit të Shtetit kanë thënë se Blinken do të kërkojë t’i ofrojë z. Lavrov një “një hap diplomatik” për të lehtësuar tensionet. Komentet e tij erdhën pasi Presidenti i SHBA, Joe Biden, parashikoi të mërkurën se Rusia “do të hyjë” në Ukrainë dhe paralajmëroi për një “katastrofë për Rusinë”. Duke folur së bashku me Blinken, Ministrja e re e Jashtme e Gjermanisë, Annalena Baerbock, u zotua për veprim të menjëhershëm kundër çdo pushtimi rus, dhe nuk përjashtoi vendosjen e masave që “mund të kenë pasoja ekonomike”.
Sekretarja e Jashtme e Mbretërisë së Bashkuar, Liz Truss, i ka bërë gjithashtu thirrje Putinit që të “heqë dorë dhe të tërhiqet nga Ukraina përpara se të bëjë një gabim të madh strategjik” që do të çonte në humbje jetësh.
Më herët këtë javë, Britania njoftoi se po furnizonte Ukrainën me trupa shtesë për stërvitje dhe armë mbrojtëse.
Burimi i lajmit: BBC. Përshtatur nga Tirana Today
