Forcat ruse kanë lëshuar një grup të ri raketash drejt Ukrainës, sipas zyrtarëve ukrainas. “Ne shohim se bombarduesit strategjikë janë ngritur, dhe vala e parë e raketave tashmë është nisur”, tha Yurii Ihnat, zëdhënës i Forcave Ajrore të Ukrainës.
“Mund të ketë disa valë sulmesh”, shtoi Ihnat. Sistemet e mbrojtjes ajrore janë duke funksionuar, por nuk ka “asnjë informacion” për numrin e raketave të lëshuara ose sa janë rrëzuar, tha ai.
Sistemet e mbrojtjes ajrore të Kievit po “punojnë” rreth kryeqytetit ukrainas, pasi ka një “lëvizje raketash drejt rajonit”, tha Oleksii Kuleba, kreu i administratës ushtarake rajonale të Kievit, në Telegram. Ai u bëri thirrje banorëve të qëndrojnë në strehimore.
Burimi i lajmit: CNN. Përshtatur nga Tirana Today
