Nisma “Thurrje” ka protestuar një ditë më parë, duke kërkuar heqjen e emrave të rrugëve “Avni Rustemit” dhe “Siri Kodrës” nga rrugët dhe shkollat e kryqytetit, duke u zvëndësuar kështu me emra të tjerë. Sipas tyre, ka ardhur koha për tu shkëputur nga trashëgimia e regjimit komunist që e mbushi Tiranën me buste partizanësh.
Gjithashtu, ata kanë kërkuar edhe heqjen e busteve, që nderojnë figura historike që njihen për vrasje apo atentate. Kryetari i Nismës “Thurje” Endri Shabani, ka bërë një propozim që të ndryshohen emrat e rrugëve ose shesheve që mbajnë emrat e partizanëve, dhe të zëvendësohen me figura të Rilindasve Kombëtar.
Shabani tha në “Report Tv” se është kundër emrave si “Myslym Shyri”, sheshi “Avni Rustemi”. “Komunistët filluan të nderonin partizanët e tyre, pra hoqën Murat Toptanin, që përfaqësonte një familje që ka kontribuuar në pavarësinë e Shqipërisë dhe vendosën Myslym Shyrin. Partizanët njiheshin për kontributin në luftën nacional çlirimtare, jeta nuk ka filluar pas luftës së dytë botërore, siç mendonin komunistët, mendojmë të promovojmë rilindasit, intelektualët e kohës se u mësuan shqiptarëve të flasin gjuhën e tyre, ndërgjegjësuan për identitetin kombëtar. Duhet të kemi parasysh se kë nderojmë, në Tiranë ke vetëm partizanë, që o kanë vrarë dikë, Avni Rustemi është tipik, ai ka vrarë Esat Pashën, se u pagua nga Aqif Pasha.
Komunizmi e bënte qëllimisht, se donte promovimin e faktit që e kishin ligjitimiteti për të qeverisur. Ne e kemi politikën të bombarduar me njërëz që janë me “Aqifët” e kësaj kohe, jetike të promovojmë intelektualët. E rëndësishme të nderojmë ato që flasim shqip. Nuk është debat historik, por vendosja e busteve është akt politik. Rrugët më të rëndësishme të Tiranës janë partizanët. Vasil Shanto ka vrarë djalin e Isa Boletinit, ne prandaj e nderojmë, të duket normale kjo? Myslym Shyri ka qenë hamall, s’e njihte njeri”, tha Shabani.
