Prokuroria e Posaçme ka lëshuar 11 urdhër-arreste për aferën e inceneratorëve. Burimet ende jo zyrtare bëjnë me dije se deri më tani në pranga kanë rënë 5 persona.
Sipas të njëjtave burime, nga 11 urdhër-arrestet është konfirmuar që 5 prej tyre, tashmë në kërkim, ndodhen jashtë territorit shqiptar.
Mes personave që është lëshuar urdhër arresti është dhe Mirel Mërtiri. Aksioni i uniformave blu me urdhër të Prokurorisë së Posaçme, është ende në vijim e sipër.
Operacioni është zhvilluar nga Byroja Kombëtare e Hetimit dhe Operacionalja. Aktualisht, vijon kontrolli në disa prej banesave të të skeduarve nga SPAK.
Kujtojmë se deri më tani për çështjen e inceneratorëve janë arrestuar ish-ministri i Mjedisit, Lefter Koka dhe ish-deputeti i PS-së, Alqi Bllako, ndërkohë që Klodian Zoto dhe Stela Gugallja janë në kërkim.
