Këngëtari dhe kantautori i njohur Redon Makashi, ka mohuar lajmet që kanë qarkulluar në mediat rozë, se ai është fejuar me balerinën e njohur Rexhina Çuko.
Ai ka përgënjeshtruar lajmin, pasi në rrjet qarkulloi fotografia e tij krah Rexhinës, e cila mbante në gisht unazë dhe dukej sikur tregonte se ishin bashkë.
“Përgënjeshtrim! Lajmi që po qarkullon në disa portale në lidhje me jetën time private, nuk është i vërtetë. Dëshiroj të sqaroj publikun tim, se unë nuk kam asnjë lloj lidhje me personin që shfaqet në foto krah meje”, ka sqaruar këngëtari.
