Të paktën 6 viktima, 81 të plagosur nga të cilët 2 janë në gjendje kritike. Ky është bilanci i shpërthimit të fuqishëm pranë sheshit Taksim në Stamboll.
Shpërthimi ka ndodhur në rrugën Istiklal në orën 16:20. Gjashtë persona humbën jetën nga shpërthimi, i cili thuhet se është shkaktuar nga bomba.
Në pamjet e transmetuara nga DHA dhe të pasqyruara në kamerën e sigurisë, në orën 16:13, një grua lë çantat në rrugë.
Gruaja e dyshimtë largohet pasi vendos çantën. Çanta mbetet për pak kohë pa mbikëqyrje në stol.
Pak minuta më vonë ka një shpërthim.
Pamjet e gruas e cila ishte e dyshuara e shpërthimit u shfaqën në kamerën e sigurisë, teksa ajo po largohej me shpejtësi në rrugë.
Burimi i lajmit: gazeteduvar. Përshtatur nga Tirana Today
