Në rrjet po qarkullon një bisedë e infermieres Aurona Pelaj me një person pas publikimit të videos së rëndë. Ende nuk dihet se sa e vërtetë mund të jetë kjo bisedë. Nëse po, kjo do ta thellonte edhe më tej skandalin!
Infermierja dhunuese e quan “plakë budalle” të moshuarën. “Kam faj unë që s’e kam mbyt krejt me ia shti thonjtë në fyt e ndoshta kishte pushu ajo shpifsinë”, shprehet ajo më tej.
Nuk dihet me saktësi vërtetësia e saj pasi në rrjet po qarkullojnë shumë profile që shtiren si Pelaj. Ajo momentalisht është në pranga.
Dorian Juniku, prokuror i Prokurorisë së Pejës, në “Debat Plus” ka bërë të ditur se Prokuroria ka informacione se në Qendrën e të Moshuarve në Pejë, mund të ketë raste të tjera të dhunës, edhe ndaj të moshuarve të tjerë, përveç asaj që u raportua gjatë ditës së mërkurë.
Juniku theksoi se Prokuroria është ende në fazën hetimore, dhe se nuk do të ndalen derisa ky rast të zbardhet.
“Jemi në fazën fillestare hetimore, që në fund të kompletojmë rastin dhe të kemi një pasqyre të qartë se çfarë ka ndodhur. Nuk do të ndalemi deri sa të sqarohet i gjithë rasti”, ka thënë ai.
“Është autorizuar policia, që të vazhdojë edhe të personelit, por edhe të tjerëve që janë vendosur aty. Kemi dyshime që këto raste mund të kenë ndodhur edhe më herët”, ka vijuar ai.
Për këtë rast janë arrestuar tre persona. Aurona Pelaj, e dyshuara kryesore e cila shihet në video, në polici ka deklaruar se ka qenë duke u vetëmbrojtur.
