Nga: Dritan Demiraj
Kur dëgjuam se të dy partitë demokratike ranë dakord të bashkëpunonin për zgjedhjet lokale të gjithe u gëzuam, megjithëse gjithë Shqiperia e di që ka vetem një PD dhe ajo është PD që drejtohet nga Prof Dr. Sali Berisha, tjetra është vetëm një bashkim njerëzish që drejtohet nga tre pazarxhinj, të cilët fatkeqësisht do ta përdorin dhe dëmtojnë atë edhe për pak kohë.
Papritmas në momentin që filluan të diskutohen primaret e kandidatëve që kanë deshirë të konkurrojnë në zgjedhje, të cilat në fakt janë një risi në politikën shqiptare, grupi i pazarxhinjve duke e ditur se nuk përballet dot me primaret pasi ata e dinë se askush nga opozita nuk voton as Alibeaj, as negociatoren e tij dhe as të zgjedhurit dhe zgjedhurat e tyre.
Deri këtu nuk ka asgjë të re dhe të papritur. Por në momentin që Alibeaj deklaroi se do futet në zgjedhje i vetëm, këtu po kemi disa probleme. Le të fillojmë nga i pari. E kam thënë edhe në raste të tjera kur kam dhënë intervista, por edhe gjatë takimeve të shumta ne Amerikë, ata nuk përfaqësojnë asgjë, por vetëm gënjejnë kur takojnë të huajt se shqetësimin e kanë tek demokracia në Shqipëri, kur ata vetë e kanë katandisur në këtë situatë dhe për këtë kanë përgjegjësi të madhe përpara votuesve të tyre.
Në demokraci fitohet vetëm nëpërmjet votës, dhe është i qartë si drita e diellit se ata nuk kanë asnjë mbështetje në bazë. Përgjegjësinë dhe dinjitetin e liderit të “madh” me 5 mbeshtëtës, e pamë në rastin e zgjedhjes së presidentit.
Në llogjikën e pandershme të tij është ose zgjidhni personin që dua unë dhe që s’ka dhënë asnjë kontribut për PD dhe hajde të bëjmë pazarin e radhës, ose ne e bojkotojmë procesin dhe nuk na bëhët vonë për besimin që na kanë dhënë demokratët, pavarësisht faktit se kandidatë të caktuar kanë kontribuar për PD me disa mijëra vota gjatë zgjedhjeve parlamentare.
Kur erdhi puna për zgjedhjen e avokatit të popullit, atje ku kishte interes personal i bëri me shpejtësi votat, pavarësisht se përsëri nuk arriti të realizonte objektivin e tij. Tani që e kanë të qartë se do dalin edhe më keq se ne zgjedhjet e 6 marsit 2021, grupimi i deshtakëve, pazarxhinjve, interesaxhinjve, të pamoralëve, etj (këtu nuk futen i gjithë grupi i tyre, por 3-4 “udhehëqesit e mëdhenj” të tyre), thonë të mbaruar se të mbaruar jemi, në parlament nuk kemi asnjë shans të futemi më, atëherë le të arrijmë dy gjëra: Së pari të bëjmë edhe më shumë dëm tek PD, së dyti le të fitojmë ndonjë plaçkë si ata të korporatave, se nuk na vjen më rasti.
Ky lloj modeli politik është modeli më i turpshëm, pasi ia moren dorën janë pasuruar më shumë në opozitë sesa ata që janë në pushtet. Prandaj ju bëj thirrjë gjithë opozitarëve të ndershëm, atyre që janë hequr nga puna në mënyrë kriminale siç jam hequr edhe une, atyre qe ju dhimbset demokracia, që po vuajnë çdo ditë papunësinë, çmimet e larta, padrejtësinë, dhunën, arrogancën, ata të cilët kanë luftuar për shumë vite për PD, t’i bojkotojnë përfundimisht këta imoralë politikë, të mos mashtrohen dhe t’u japin përfundimisht dënimin e duhur siç e meritojnë tradhtarët. Si përfundim, përshëndes mikun tim Mjeshtrin e Madh, Bujar Kapexhiu, për këtë karikaturë kaq domethënëse.
