Kryeministri Rama ka shpërndarë në Twitter dokumentat që sipas tij, janë shkaku i sulmit nga media ndaj qeverisë.
Kreu i qeverisë pretendon se është kërkuar mbështetje financiare nga Agjencia për Zhvillim Bujqësor dhe Rural një fond prej 120 milionë lekësh të vjetra, për të bërë një emision me 50 episode, ku në fokus do të jenë zonat rurale dhe fermat.
Krahas dokumentit, Rama shprehet ky është vetëm një shembull se si, sipas tij po i bëhet shantazh qeverisë nga media. Qëllimi, sipas tij, ka qenë promovimi i AZHBR-së, por kur ky insitutcion nuk ka pranuar, ka filluar sulmi duke nxjerrë edhe shembullin e një kronikë të transmetuar në edicionin e lajmeve.
“Ja për shembull se si funksionon shantazhi mediatik. Kërkohen 120 mln lek nga AZHBR për t’u treguar shqiparëve kudo ndodhen sa mirë po ecën Shqipëria rurale. AZHBR s’e plotëson dot kërkesën e shpjeguar në shumë faqe se si e qysh tërë dynjaja do shohë shqip/anglisht suksesin e saj!”, shkruan Rama në postimin e tij në rrjetin social.
Më tej vijon” “Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane…”.
Atëherë pllaka kthehet përmbys dhe dynjasë i jepet një emision i tërë me gllabërim parash të bujqësisë, një fabrikim nga fillimi në fund me gjysëm të vërteta që janë edhe gënjeshtrat më të mëdha, e ngjashme si dy pika uji me një fabrikim nga i njëjti kanal për Rilindjen Urbane… pic.twitter.com/buNsSvYvua
— Edi Rama (@ediramaal) November 2, 2022
