Financimi rus 500 mijë dollarë për Partinë Demokratike, ka ringjallur debatet. Deputeti socialist Pandeli Majko tha në Kuvend se PD-ja ka marrë 500 mijë dollarë nga Rusia, dhe se ky është vetëm fillimi i kësaj çështje. Demokrati Enkelejd Alibeaj iu kundërpërgjigj, duke thënë se lajmi ishte i pavërtetë.
Ai tha me tone ironike se më në fund Pandit i është shëruar goja. Sipas burimit të qeverisë amerikane, Rusia i ka dhënë Partisë Demokratike në vitin 2017 rreth 500 mijë dollarë, përmes kompanive fantazëm.
Debati:
Majko: Tema që po diskutojmë është shumë sensitive, bëhet fjalë për fondet e BE-së. Sot në kufijtë e 24 orëve, drejtuesit e PD-së, si ata që janë me zyra si ata pa zyra është konfirmuar lajmi se PD-ja ka marrë 500 mijë dollarë nga Rusia. Kur flasim për fondet europiane, të flasim edhe për ato antieuropiane. Para se ti kërkoni llogari Beqjas tonë, kërkojini llogari Beqjas tuaj. Dilni këtu dhe jepni llogari, ky është vetëm fillimi.
Alibeaj: Më në fund Pandit i qenka shëruar goja. I vetmi që nuk duhet të fliste duhej të ishe ti. Di një gjë, që është e pavërtetë, është makinacion që e ka bërë ai që mungon sot, “Mother Jons-i”, i famshëm. Prit dhe ca orë se do përgënjeshtrohesh, dhe kur të përgënjeshtrohesh, bën mirë të shkosh te dentisti.
Majko: Unë i respektoj shumë këta tipat që kanë mjekër të bardhë dhe flokë të zezë. Dua që të jetë kështu, që gjysmë milioni dollarë nuk janë marrë nga PD-ja. Ajo që keni diskutuar ju edhe midis vendit është një akuzë e cila dje është ripërsëritur. Unë uroj që zoti Basha të shkojë normalisht në SHBA.
