Edhe Maqedonia e Veriut ka rënë pre e një sulmi kibernetik, sikundër Shqipëria.
Faqja zyrtare në internet e Ministrisë së Arsimit dhe Shkencës (MASH) në Maqedoninë e Veriut, ka rënë pre e një sulmi kibernetik mbrëmjen e djeshme.
Prej disa orësh në faqen e kësaj ministrie shfaqej mesazhi “HACKED BY GREEK HACKING TEAM NETWATCHERS”.
Për shkak të sulmit nuk hapej asnjë nënfaqe e kësaj ueb faqeje, ndërsa të gjitha lidhjet e publikuara çuan në një video në YouTube të titulluar “Maqedonia e famshme”. Për momentin, faqja është plotësisht jashtë linje.
