Një kamion ka derdhur më shumë se 150.000 domate në një autostradë të ngarkuar në shtetin amerikan të Kalifornisë, duke e ndalur trafikun. Domatet e shtypura shkaktuan përplasjen e shtatë makinave dhe mbyllën pjesën më të madhe të autostradës ndërshtetërore 80 të hënën.
Tre persona kishin lëndime të lehta dhe një i katërt është në spital me një këmbë të thyer, tha Patrulla e Autostradave të Kalifornisë. Gjatë sezonit të domates, shoferët e kamionëve përdorin autostradën kryesore për ti transportuar në të gjithë shtetin. Sipas raporteve, një përplasje fillestare bëri që kamioni me domate të devijojë në ndarjen qendrore të autostradës, duke derdhur domate në një pjesë prej 200 metrash të autostradës.
Ekipet e pastrimit lejuan që rruga të rihapej disa orë më vonë. Sipas Shoqatës së Kultivuesve të Domateve të Kalifornisë, Golden State prodhon më shumë se 90% të domateve të përpunuara të vendit dhe pothuajse gjysmën e domateve të përpunuara globale.
Burimi i lajmit: BBC. Përshtatur nga Tirana Today
