Prokuroria e Vlorës pritet të ashpërsojë akuzën që do të rëndojë ndaj Arjan Tases, i cili përplasi për vdekje me skaf 7-vjeçaren në Himarë. Ndaj tij do të rëndojë akuza e “vrasjes me dashje”, ndërsa më herët ai u akuza për “vrasje nga pakujdesia”.
Agjencia e Mbikëqyrjes Policore (AMP) njoftoi se kishte arrestuar në flagrancë Arjan Tasen, dhe se ndaj tij ishte ngritur akuza “Vrasje e kryer nga pakujdesia” parashikuar nga neni 85 i Kodit Penal.
Kujtojmë këtu se pas ngjarjes së rëndë që ndodhi në plazhin e Potamit, drejtori i Përgjithshëm i Policisë Gledis Nano e përjashtoi nga radhët e Policisë.
7-vjeçarja po lahej në breg, ku skafi me dy motorë e goditi rëndë duke i marrë jetën në vend.
