Qeveria ka miratuar hartën e re gjyqësore. Harta e re është miratuar, pa marrë parasysh bojkotin e avokatëve që vazhdon prej disa javësh. Lajmin për miratimin në Këshillin e Ministrave të hartës së re e ka dhënë Ministri i Drejtësisë, Ulsi Manja.
Ministri i Drejtësisë ka njoftuar se në mbledhjen e sotme të qeverisë, është miratuar harta e re gjyqësore e propozuar nga KLGJ.
“Në mbledhjen e sotme është miratuar harta e re gjyqësore. Shqipëria do të ketë 13 Gjykata të Shkallës së Parë së Juridiksionit të Përgjithshëm, 1 Gjykatë Apeli dhe 2 Gjykata Administrative të Shkallës së Parë.
Manja deklaroi se Gjykatat që do të mbyllen, nuk do të cenohet asnjë shërbim gjyqësor. Ai njoftoi qytetarët se do të marrin të gjitha shërbimet gjyqësore në strukturat ekzistuese të Gjykatave. Implementimi i hartës do të bëhet me faza.
“Qytetarët do t’i marrin të gjitha shërbimet gjyqësore në strukturat ekzistuese të Gjykatave. Implementimi i hartës do të bëhet me faza. Më 1 shkurt do të kemi përqendrimin e Gjykatës së Apelit në Tiranë, në 1 maj do të jenë Gjykata e shkallës së Parë të Juridiksionit të Përgjithshëm dhe më 1 korrik do të jetën Gjykatat Administrative të Shkallës së Parë”.
