Një sherr mes dy personave në fshatin Çepe të Belshit ka përfunduar deri në përdorimin e armëve të zjarrit. “Mollë” sherri është kthyer prona. Shtetasi me inicialet D.H., 37 vjeç, gjatë një konflikti për motive pronësie me shtetasin K.C., 29 vjeç, dyshohet se ka qëlluar një herë me armë zjarri pistoletë në ajër dhe më pas është larguar. Uniformat blu janë vënë në ndjekje të autorit.
“Në fshatin Çepe, Belsh, shtetasi D.H., 37 vjeç, banues në Belsh, gjatë një konflikti për motive pronësie me shtetasin K.C., 29 vjeç, banues në fshatin Çepe, Belsh, dyshohet se ka qëlluar 1 herë me armë zjarri pistoletë në ajër dhe më pas është larguar. Me marrjen e njoftimit, shërbimet e policisë menjëherë kanë shkuar në vendngjarje dhe janë vënë në ndjekje të autorit”, njofton policia.
