Nënvlerësimi i rezistencës ukrainase nga Rusia, e pengoi presidentin rus Vladimir Putin të shpallte sukses të rëndësishëm ushtarak në Ukrainë në paradën e Ditës së Fitores të Rusisë dje. Ky është komenti që vjen nga Ministria e Mbrojtjes së Mbretërisë së Bashkuar.
Ministria thotë se plani i pushtimit të Rusisë ka “shumë të ngjarë” të jetë bazuar në supozimin e gabuar se do të haste rezistencë të kufizuar, dhe do të ishte në gjendje të rrethonte dhe anashkalonte shpejt qendrat e popullsisë.
Ky supozim bëri që forcat ruse të hapnin sulmin e tyre me “një qasje të lehtë dhe të saktë që synon të arrijë një fitore të shpejtë me kosto minimale”, thotë Ministria e Mbrojtjes e Mbretërisë së Bashkuar në një përditësim të fundit.
Llogaritja e gabuar e Rusisë çoi në “humbje të paqëndrueshme dhe një reduktim të mëvonshëm të fokusit operacional të Rusisë”.
Burimi i lajmit: BBC. Përshtatur nga Tirana Today
