Xhensila Pere ka konfirmuar se është në një proces gjyqësor me Robert Aliajn. Ajo ka zbuluar se çfarë ka ndodhur me Robert Aliajn, dhe pse ndërmori këtë akt. Sherri nisi në emisionin “Love Story” dhe ka konfirmuar se është në një proces gjyqësor me artistin.
Debati i tyre ka nisur pas statusit që Roberti bëri në rrjetin social Instagram, duke e cilësuar opinionisten një personazh të dështuar dhe si e tillë nuk ka moral të mjaftueshëm për të këshilluar të tjerët. Në një intervistë në “Ora News”, Xhensila tha se i ka cënuar figurën e saj dhe jetën personale.
“Do t’a prek shumë shkurtimisht dhe përciptazi sepse në momentin që ka një çështje gjyqësore, nuk dua që të flas ndonjë fjalë që nuk duhet. Ideja është se nisi gjithçka me një status ku z. Aliaj le të themi se miksoi disa gjëra që preku, ceku, cënoi figurën time dhe jetën time personale, gjë që besoj nuk është aspak profesionale.
E vetmja gjë që kam kërkuar është se kush është zotëria në fjalë, apo kushdo tjetër që mua të më cënojë për jetën time private dhe ndaj quhet private, personale dhe në momentin që unë dua të flas, flasim. Por për sa kohë unë dua të hesht, është puna ime. Edhe përsa i përket opinioneve, unë nuk mendoj se ka vend për opinion mbi opinionin sepse ai është thjesht një këndvështrimi i imi dhe nuk do të thotë se unë kam të drejtë absolute në atë që thoja”, ka thënë Xhensila.
