Sekretari i Përgjithshëm i PS-së, Damian Gjiknuri, ka folur sot në një bashkëbisedim me gazetarët për profilin e mundshëm të Presidentit të ri të vendit. Numri dy i Partisë Socialiste ka hedhur një ide për bashkimin e PD-së, duke thënë se mund të sjellin një kandidat që i bashkon, por nuk janë të gatshëm për t’u ulur në një tryezë me Sali Berishën.
“Nëse kryetari i grupit do të shkarkohet, por ka procedura se si certifikohen këto. Në Kuvendin e Shqipërisë ka disa procedura, por për aq kohë sa është kryetar i grupit të asaj force, do të jetë pjesë e tryezës. Ky proces ka filluar, se çfarë ndodh në PD është problem i brendshëm mes tyre. Le të jetë kandidati për President një figurë që i bashkon ata, nëse i bashkon.
Unë nuk thashë Berisha, thashë grupimet janë të përçarë. Nëse Alibeaj merr përsipër të zgjedhë partinë me emrin e Presidentit, pra nuk kam ndonjë paragjykim, nuk thashë do të ulem me Berishën.
Berisha për ne nuk ekziston si faktor politik, ky është qëndrim i PS. Por nëse Alibeaj me të tjerë, një pjesë e të cilëve kanë ndjekur Berishën, do të vijnë për një kandidaturë që i bashkon ata, është proces i tyre dhe i mirëpres. Hodha një ide”, tha Gjiknuri.
