“BBC” ka publikuar hartën, ku shihet avancimi i mjeteve të blinduara ruse drejt qendrës së Kievit, të vendosura në dy pika kyçe, pranë Parlamentit dhe Pallatit Presidencial.
Forcat ruse që thuhet se kanë hyrë në kryeqytetin ukrainas, janë të përqendruara në dukje rreth rrethit verior të Obolon. Zona e banuar është vetëm 9 km në veri të Parlamentit të Kievit dhe qendrës së qytetit.
Pak para orës 10 të mëngjesit me orën lokale, Ministria e Mbrojtjes e Ukrainës shkroi në Twitter se operativët rusë të armikut ishin në zonë. Ministria e Mbrojtjes u bëri thirrje vendasve të mblidhen dhe të bëjnë kokteje molotov për të luftuar.
Kievi është sulmuar gjithashtu nga ajri, me banorët që janë strehuar në stacionet hekurudhore nëntokësore.
Burimi i lajmit: BBC. Përshtatur nga Tirana Today
