Aktori i madh i humorit, Agron Llakaj, teksa ishte i ftuar në një lidhje të drejtpërdrejtë me emisionin “Shqipëria Live” në Top Channel, ka reaguar në lidhje me komentin ndaj Einxhel Shkira. Kjo e fundit tregoi gjatë spektaklit të kaluar, se është ndjerë keq nga një koment i aktorit të mirënjohur, Agron Llakaj, kur ishte i ftuar në shtëpinë e “Big Brother VIP” lidhur me fondacionin që moderatorja planifikon të hapë.
Agroni u shpreh se nuk përdori asnjë ironi, dhe se gjithnjë është i drejtpërdrejt në komentet që bën.
“Agroni nuk thumbon, unë jam natyrë e drejtpërdrejtë. Aty hyra brenda një karakteri argëtues, për ata njerëz që janë aq të mbyllur aty brenda. Mund të kisha thënë para Donald, je më i forti, por thashë fitoftë më i miri”, tha aktori i mirënjohur.
Llakaj shton se u ndje keq, “pasi nuk jam as në moshën e Einxhelit, as Donaldit. Mendoj se është ia momenti kur të flet gjuha para mendjes”.
Agron Llakaj mbështet kolegun dhe mikun e tij, Donald Veshajn, por thotë se “për të katërt që kanë ardhur në finale, është e merituar”.
