Luan Daci u dënua dhe u shkarkua nga KPA disa ditë më parë, pas akuzave për “shpërdorim detyre”. Po kështu është zgjedhur zëvendësuesja e Luan Dacit. Mimoza Tasi është gjyqtarja që do të zëvendësojë Luan Dacin, në Komisionin e Posaçëm të Apelimit (KPA).
Zëvendësimi erdhi pasi Daci u dënua dhe u shkarkua me akuzën e “falsifikimit të dokumenteve”, për të fituar postin e anëtarit të KPA. Trupa e re gjykuese e KPA-së do të jetë e përbërë nga Albana Shtylla, kryetare dhe gjyqtarët Ardian Hajdari, Ina Rama, Natasha Mulaj dhe së fundmi Mimoza Tasi.
Pse u shkarkua Luan Daci?
Luan Daci u dënua me 6 muaj burg, konvertuar në një vit shërbim prove dhe kushtin që mos ushtrojë funksione publike. Hetimet e SPAK bindën Gjykatën e Posaçme kundër Krimit e Korrupsionit dhe Apelin e GJKKO të dënojë Luan Dacin me akuzën e “falsifikimit të dokumenteve”, për të fituar postin e anëtarit të KPA. Në dokumentacionin e paraqitur në atë kohë nga gjyqtari i KPA, ai fshehu faktin se kur ishte gjyqtar në Gjykatën e Tiranës në 1997, KLD-ja me propozim të Ministrit të Drejtësisë e shkarkoi nga detyra për shkelje të ligjit dhe paaftësi.
