Prokuroria e Tiranës ka nisur hetimet për kreun e Federatës Shqiptare të Futbollit, Armand Duka. Hetimet kanë nisur, pas referimit të bërë nga Policia e Shtetit, për veprat penale të “Shpërdorimit të Detyrës” dhe “Vjedhje duke shpërdorur detyrën”.
Një ditë më parë u njoftua se Bashkia e Tiranës, në cilësinë e aksionerit të Klubit të Futbollit, do të kërkointe sot një hetim kombëtar dhe ndërkombëtar, për shkeljet dhe korrupsionin 20 vjeçar të Armando Dukës në Federatën Shqiptare të Futbollit. Burime nga Bashkia e Tiranës konfirmojnë se prej dy javësh, një skuadër juristësh shqiptarë, amerikanë dhe britanikë, po asistojnë aksionerin e futboll klub Tiranës, në një dosje voluminoze shkeljesh.
Sipas burimeve, agjentët e DEA me qendër rajonale në Athinë – agjencia amerikane e antidrogës, do të prezantohen me të gjitha provat e parave të drogës në sport, me dijeni e mbështetje të Armando Dukës, me elementë të botës së krimit në Shijak e vende të tjera të Europës e Amerikës Latine.
Gjithashtu ai ka mjaft asete të pajustifikuara, ndërsa një sërë veprash penale për të drejtat e transmetimit, pastrimin e parave, apo kontratat e paligjshme në konflikt interesi të marketingut në futboll të kompanive të Dukës do të shkojnë për evazion fiskal.
“Bashkia e Tiranës, si aksioner i FK Tiranës, do t’i përcjellë dosjen e plotë edhe Ambasadave Amerikane e Britanike në Shqipëri, për të kërkuar revokimin e vizave të familjes Duka, si minues përsëritës së demokracisë në futbollin shqiptar, dhe të dyshuar në një sërë veprash penale”.
