Gjykata e Posaçme kundër Krimit dhe Korrupsionit, ka refuzuar për të dytën herë lirimin e babait të Arbër Çekajt.
Selim Çekaj përfundoi në prangat e policisë, pas zbulimit të 49 kilogramë kokainë në kontejnerin me banane që vinte nga Ekuadori, për llogari të kompanisë së krijuar prej tij.
Më herët, ai ka thënë se nuk ka lidhje me ngarkesën e drogës, ndërsa si argument për t’u liruar nga burgu ka përdorur problemet shëndetësore, si dhe të kujdeset për bashkëshorten e tij.
Ndërsa i biri, Arbër Çekaj ndodhet në qeli dhe i dënuar me 14 vite, pas gjetjes së 613 kg kokainë po në kontejnerët me banane.
Arbër Çekaj është pronari i “Arbën Garden”, magazina brenda të cilave u kapën 613 kg kokainë dy vite më parë. Ndërsa më 1 prill, babai i tij u zbulua me një tjetër sasi prej 49 kg kokainë.
